AKA sérhæfir sig í leigu á atvinnubílum
AKA hefur allt frá stofnun árið 1965 sérhæft sig í leigu á atvinnubílum til sveitarfélaga, stofnana og fyrirtækja.
AKA býður atvinnubíla í langtíma- eða árshlutaleigu. AKA leigan er sérsniðin að stærri fyrirtækjum eða sveitarfélögum með árstíðarbundnar sveiflur í bifreiðaþörf. Meðal bíla í boði í AKA leigunni eru 7 manna vinnuflokkabílar, pallbílar, 6-9 manna bílar, litlir sendiferðabílar og fólksbílar. Innifalið í AKA leigunni eru tryggingar, bifreiðagjöld, dekk, þjónustuskoðanir og almennt viðhald. Einnig er hægt að bæta við bensínkorti og reglulegum þrifum.
Langtímaleiga
Langtímaleiga er ótímabundin, þó að lágmarki 1 ár. Í langtímaleigunni er greitt fast mánaðargjald. Innifalið í leigugjaldinu er akstur allt að 20.000 km. á ári. Fyrir akstur umfram það er greitt kílómetragjald.
Árshlutaleiga
Árshlutaleiga er fyrir sveitarfélög og fyrirtæki með árstíðarbundnar sveiflur í bílaþörf. Í árshlutaleigunni er greitt fast gjald fyrir hvern vinnudag sem bíllinn er nýttur í rekstrinum. Innifalið í leigugjaldinu er akstur allt að 1.650 km. á mánuði. Fyrir akstur umfram það er greitt kílómetragjald.
Betri búnaður
Allir atvinnubílar í AKA leigunni eru útbúnir aukabúnaði sem hentar vel fyrir sveitarfélög og fyrirtæki og eins geta viðskiptavinir óskað eftir ýmsum frekari útfærslum.
Staðlaður aukabúnaður
› Dráttarbeisli
› Vinnuljós
› Ökuriti
Valkvæður aukabúnaður
› Krani
› Saltdreifibúnaður
› Sjónplógar
› Pallur með sturtu
› Pallkista: verkfærakista sem hægt er að læsa, fest á pallinn
› Palllok opnanleg
› Verkfærakistur
Ökuriti
Viðskiptavinir AKA geta nýtt sér ökurita til að hafa eftirlit með notkun á sínum bílaflota, fyrir fast mánaðargjald er meðal annars hægt að fylgjast með bílaflotanum í rauntíma á korti, eknum vegalengdum, viðkomustöðum, aksturslagi og hraða. Einnig er hægt að fá staðlaðar skýrslur sem sýna notkun og nýtingu farartækja. AKA hefur ekki aðgang að ofangreindum upplýsingum, aðeins leigutaki.
Sérstök tæki
AKA býður viðskiptavinum sínum langtímaleigu á sérstökum tækjum. Meðal annars rafmagnssorphirðu bílum, götusópum og snjómoksturtækjum.